مميز - سمية الخشاب: عايزة أعيش مراهقتي ومش محتاجة راجل في حياتي

مميز (https://www.mmayz.com/index.php)

- •~ مميز آخبار الفن والفنانين ~•
(https://www.mmayz.com/forumdisplay.php?f=88)

سمية الخشاب: عايزة أعيش مراهقتي ومش محتاجة راجل في حياتي

https://layalina.awicdn.com/site-ima...0215&croptop=1

كشفت الفنانة سمية الخشاب عن العديد من تفاصيل حياتها الشخصية وطفولتها وأول قصة حب عاشتها في حياتها، خلال لقاء لها مع الفنان ماجد المصري في برنامج بصراحة مع.

سمية الخشاب تكشف تفاصيل مراهقتها
وأوضحت سمية الخشاب أنها لم تعش فترة مراقتها بسبب خوف والدتها الشديد عليها، وتابعت: "أنا معشتش فترة مراهقتي، أنا عاوزة أعيشها، مامتي كانت بتخاف عليا أوي في سن المراهقة، ولدرجة أنها خايفة عليا كانت بتحبسني".

وتابعت: "أمي كانت منعاني أبات عند خالي عشان عنده ولاد، وممنوع أبات عند عمي عشان عنده ولاد، شوف أد إيه الخوف، بعد الساعة مينفعش أتأخر، ولو صاحبتي عندي مينفعش أقفل الباب علينا".

وأشارت إلى أنها تفهمت الأمر حالياً، قائلة: "دلوقتي أنا فهمت لما كبرت أد إيه كان عندها حق وكانت بتخاف عليا فمبقتش أزعل، لكن الولاد دلوقتي مش فاهمين الحاجات دي، بس أنا معشتش سن المراهقة".

وروتسمية الخشاب تفاصيل أول قصة حب عاشتها، قائلة: "قلبي دق في الثانوية العامة..ابن الجيران شاغلني أنا عنيا، ابن الجيران والجو ده، مقدرش أكدب، أنا كنت بنزل الشارع وبوقفه على رجل، وكان عندي سكريت كحلي وأنزله به الشارع يقف على رجل، والقالب غالب، وشعري كان طويل".

سمية الخشاب تعلق على عدم زواجها
وأكدت سمية الخشاب أنها تدعم المرأة وتتمنى تغيير نظرة المجتمع تجاهها وخاصة فيما يتعلق بالزواج والطلاق.

وحول رغبتها في الزواج حالياً، أوضحت أنها تعيش أجمل أيام حياتها ولا تشعر بشئ ينقصها، متابعة: "أنا مش متجوزة دلوقتي لكني أعيش أحلى أوقات حياتي، وأحلى مرحلة في عمري، برمجت عقلي أن ربنا خلقني في أحسن صورة، ومش ناقصة حد يكملني، أنا كيان كامل متكامل، أكون أو لا أكون من دون الرجل، مش محتاجة راجل في حياتي، واذا صادفني بأني قابلت توأم الروح كما يقال مش هقول لأ، لست في حرب مع الرجل".

وأكملت: "المثل الشعبي اللي بيقول ضل راجل والا ضل حيطة، راجعي بحت وأنا ضده وأرفضه تمامًا، الضل أحسن من الراجل في بعض الأوقات، اذا كان الزوج الانا لديه ليست متضخمة وحاببني ناجحة وسعيدة وكان سند وضهر لي هو دا الرجل الصح من وجهة نظري، وليس الضهر أن يمنعني من العمل ويجلسني في المنزل أطبخ وأنظف، ويعنفني، أنا ضد الإهانة للمرأة".

وهاجمت سمية الخشاب نظرة المجتمع إلى المرأة المطلقة قائلة: "ليست نهاية العالم كون المرأة مطلقة، ومش عارفة ليه دايما الست بتتهاجم، وأنا برمجت دماغي إن ربنا خلقني مش ناقصة حد يكملني، وأنا مش محتاجة راجل في حياتي، لكن لو لقيت الشخص اللي يناسبني معنديش مشكلة".

وأضافت: "الست تقدر تكون أو لا تكون من غير الراجل، وأنا مش في حرب ضد الراجل، بس أنا ضد المثل اللي بيقول ضل راجل ولا ضل حيطة، لأن ساعات بيكون ضل الحيطة أحسن من الراجل، لو هو مش سند.