روت الفنانة ايمان السيد موقفًا لها أثناء التصوير وذلك عبر حسابها الشخصي علي موقع " فيسبوك" كتبت إيمان السيد منشورًا وعلقت قائلة:" أنا طلعت من عند دكتور الأسنان إمبارح على التصوير وكنت واخدة حقنتين بنج، ولما نزلت جيبت عصير عشان كنت دايخة ووقعته على نفسي، وبعدين رحت الاوردر جيبت قهوة عشان أركز". وتابعت قائلة:"دخلت المشهد قعدت اتناقش مع المؤلف في ضماير الفاعل والمفعول به ونبهت عليه إن الحلقات الأخيرة محتاجة تعديل في الجرامر، وفضلت طول اليوم اتعامل مع الشاب اللي ماشي ورايا بكاميرا يصور الميكينج على إنه سيريال كيلر، خرجت من اللوكيشن على أوضتي، لقيت بنوتة من الإنتاج قاعدة عشان تتناقش معانا في حاجات خاصة بالشغل، فجأة قعدت اكلمها على أهمية ال skin care، وإننا المفروض ما نهملش الصن بلوك، بجد كان يوم جميل". واختمت كلامها قائلة:"خلاصة اللي بقوله إيه: إننا تقريبًا محتاجين ناخد بنج واحنا رايحين الشغل عشان الحياة تبقى بسيطة وجميلة". والجدير بالذكر أن آخر أعمال إيمان السيد مسلسل " اللي مالوش كبير" تأليف عمرو محمود ياسين،اخراج مصطفي فكري بطولة ياسمين عبد العزيز،أحمد العوضي، وكوكبة مميزة من النجوم.