[قصايد]

[ALIGN=CENTER][TABLETEXT="width:90%;background-image:url('https://s-media-cache-ak0.pinimg.com/originals/40/0f/36/400f365150e14c75500d1fe5bd8de1ca.gif');border:7px double black;"][CELL="filter:;"][ALIGN=center][ALIGN=CENTER][TABLETEXT="width:70%;background-color:white;border:5px solid white;"][CELL="filter:;"][ALIGN=center]

ياوسيع البال ضيّقت الصدور
رحت ماعلّمتنى وين أنت سارى
.
فى غيابك مال خلق الله حضور
وفى حضورك مالهم بالبال طارى
.
ليه ماتختال يابدر البدور
والقصايد لك وصيفات وجوارى
.
لك بنات الفكر ربات الخدور
يكشفن لثامهن والجرح عارى
.
جعل قلبٍ ماملاه الصدق نور
عند وجه الريح مايلقى مزارى
.
التغاضى عجز لاطال القصور
ليه أدارى وأنت بالوضع دارى
.
الزمان (ا ) قصير والدنيا تدور
كل يوم يضيق فى عينى مدارى
.
صاحبى محتاج لك شعر وشعور
وإحتياجى شى ماكان إختيارى
.
من متى والغصن يختار الطيور
من متى والبال يختار الطوارى
.
لاتسمى صمتى البارح غرور
انكسارى خلف هالصمت متوارى
.
فى غياب الشمس وش ذنب الزهور ؟
والمطر لاشح وش ذنب الصحارى ؟
.
اللقا لحظات والغيبه شهور
تقصر الخطوات ويطول إنتظارى
.
لو قريت المنكتب وسط السطور
ماكتبت لغلطة العمر إعتذارى
.
صمت هالمينا مثل صمت القبور
ما رسى مركب ولا لاحت صوارى

[/ALIGN][/CELL][/TABLETEXT][/ALIGN][/ALIGN][/CELL][/TABLETEXT][/ALIGN]