[align=center][tabletext="width:90%;background-image:url('http://static1.grsites.com/archive/textures/ss/ss190.gif');border:5px groove silver;"][cell="filter:;"][align=center] [align=center][tabletext="width:90%;background-image:url('http://www.hamsatq.com/kleeja/uploads/1457052338754.gif');border:5px groove red;"][cell="filter:;"][align=center] [align=center][tabletext="width:80%;background-color:black;border:5px groove darkred;"][cell="filter:;"][align=center] . يا مهرة ٍ تلعب على قلب خيّال لا جا يبي يعسف وصالك عسفتيه فيك انهبل بالحسْن واطباع الاطفال واحلى الدلع واللين و ( انشودة التيه ) لا لا تلومينه إذا صابه هْبال إن لجّ به طيفك وتمتم يغنّيه إسقيه من ذاك الدلع باحلى فنجال وان ولّعك غيره من الشهد إسقيه ميلي إذا استعدل .. تساوي إذا مال خلّيه يتبعثر واذا ضاع لمّيه .. !! مرّيه بغرورك .. بك العطْر يختال قولي اْلسما اْقرب من جموحك .. وخلّيه وان حن قلبه وانولد فيه زلزال داريه باحساسك وعطفك .. ومرّيه لا جا يناديلك خفوقه إذا قال : (إسمك) تعالي ردّدي كل (لبّيه) لبّيييه .. يا لبّى عيونك (وش الحال؟) قولي : غلاك بْخير .. ورْضاك ابشريه إن قال (احبّك) ثم نشد فيك موّال ميلي على صوته .. وذوبي فْمعانيه لا زال يفتّق لجلك الشعْر لا زال في شيطنة بحْر الشعر كان شاطيه .. !! يا طفلة ٍ تلعب على قلب رجّال واحلى ملاعيبك بقلبه لعبتيه .. !! يا لعنبو ابليسك ترى الحب قتّال لا ني قدرت احياه .. أو ميّت ٍ فيه .. !! سيف الخالدي [/align][/cell][/tabletext][/align] [/align][/cell][/tabletext][/align] [/align][/cell][/tabletext][/align]