[align=center][tabletext="width:100%;background-image:url('http://a.imageshack.us/img705/5607/w6w200504200341311d6a92.gif');background-color:black;border:6px groove sandybrown;"][cell="filter:;"][align=center] [align=center][tabletext="width:90%;background-image:url('http://sl.glitter-graphics.net/pub/924/924941j8egsn33wl.gif');border:6px groove sandybrown;"][cell="filter:;"][align=center] [align=center][tabletext="width:70%;background-color:black;border:6px groove sandybrown;"][cell="filter:;"][align=center] طريق وزحمة وجيه وملامح ترفض التبديل وملعب ذكريات وبيت بابه / ريحة أجدادي وانا ماكنت فيني كنت فحدود الغياب آسيل قبل لاجف ، ماتت سُنبله وإستآحش الوادي بسيط البس من أفوآه المآذن خشيه وترتيل معي منذ الطفولة دعوة أمي وأكثر عنادي تنامى داخلي عشق الروابي والشجر والخيل وهبات النسيم اللي تغازل ريحة / الكادي !! تمنيت المسا يفرش ظلامه وأرتقي لسهيل ، واسولف للقمر .. عن حلم تاه فغيبة رقادي كثر ماخاوت إعيون السهارى نجمتين وليل شعلّت الهم ونامت في جفوني طفلة سهادي من اول ماتبعت آثار جدبي لإرتشاف النيل ! لقيت أكثر من أكثر شي فيني صوبك ينآدي تسابق لك حنيني معْ حنيني وانهدم بي حيل وهاجر عن سما عشقي حمام وجف ميرادي زمان اليا تثاوب من مسافة لهفتي / قنديل ، تطيب الدندنه ل إذن السما مع ليلي الهادي أجيك مرتب ضلوع الحنايا لك / خذ الإكليل ! واعود وكل مافيني تبعثر ..... قبل ميعادي تذكّر صُبحنا : حب الغدير لطيحة النرجيل ! حوارينا القديمه / مدرستنا / طيرنا الشادي تذكّر قمّحنا : لامن سمع صوت النجر والهيل تمايل مبتسم وأغرى هديل طيوره : زنادي جفل بك هالزمن وشيوخ صدري ملها التهليل وجيت آدورك كلي " بَلا " ياآخر " بلا دي " انا اول من كبر في عين قلبك وإبتدا بالميل وانا اكبر من طعنته بالغياب وقال لك عادي تعال وشوفني شارع بدونك ممتلي بالويل ! رصيفي مظلم وشمعة وصالك عافت أعيادي تضيق بجسمي كتوف اللقا وأستنزف التفصيل وآشيب وتصبح جروح الليالي حسبة اولادي انا جيتك ودمعي حيرتي وسنيني المنديل ! بعد ماضعت فيني بسألك : ياكيف إيجادي ؟ [/align][/cell][/tabletext][/align] [/align][/cell][/tabletext][/align] [/align][/cell][/tabletext][/align]