يالنجم: يا النجم لا تغرب ترى الصبح ما بان .............بدري عليك تغيب وتسم حالي أفا تخليني وأنا معك سهران ............. وياما سهرنا الليل والجو خالي بالله سامحني إذا كنت غلطان .............ارفى خمالي كان فيني خمالي إن كان شان الوقت ما خاطرك شان .............عالي ترى يا نجم وتظل عالي وأنا لك الله بين صدمه وخذلان .............ومنين ما صديت تطلع قبالي جرح ٍ ثلاث سنين بالقلب ما هان ............. ولا عاد لك يالصبر عندي مجالي والمشكله لو تقتصر بعض الأحيان .............أقول عديها ولا ضاق بالي لكنّها طالت وأنا صرت بحلان .............ليه أتحمّل فوق حد احتمالي أنا بشر عادي ولاني (سبرمان) .............ومن فضل ربي عايش ٍ بالحلالي أعيش بالدنيا قنوع ٍ ورضيان ............. مال البشر فيني وأنا بعد مالي هدّيت صرح الهم وأعدمت الأحزان .............وناديت وينك يالسعاده تعالي ودي معك نمحي تواريخ وأزمان .............اللي بكت منها عيون الليالي أحبابنا راحت بهم بيض الأكفان .............واللي بقى قدام عيني هزالي فيهم تغيّر كل مفهوم الأنسان .............صوره وطارت مع هبوب الشمالي والنجم غاب وصوّت الذيب سرحان .............والصبح مبطي والليالي طوالي الشاعر: سلطان الرواد الرويلي منقول: عواد الهران
[img3]https://up.lyaly-alomr.com/do.php?img=3773[/img3]