[توت احمر]

لاتاخذ الوصل عن عيني وتغيب
ولاتترك القلب ياصاحبي فْ حيره
انت الامل صعب إنّك تِخيب
لو تضيق الاماكن وتْقولّ خِيره
قِلْ لها عن حلم عيّا يِشيب
لو جِفاني اوّله وانتهابي اخيره
وقِلّها عن مَوعدٍ يمكن يِصيب
يمكن تِغيِّر حظّنا بواحدٍ غِيره
وتكتبلنا اللقيّا باحساسٍ غريب
ومن مرتع الابيات تطلق اسيره
فِالحب اكتبْك ياحبيبي حبيب
ياكيف نام الحبّ عيونه قريره
واحنا بِعَاد والهَوى مايِطيب
إلاّ بِلقَى اللي مايفارق عشيره
صحيح إنْ الوقت جداً عصيب
وانا شِفني انتظر مِنّه بَشيره ؟!
بس اللقّى لابدّ إنّه قريب
وتأنّب الاشواق مواني ضميره !
كِنّي صحيت وانا حلمي عطيب
ولاسامح الله حِلم ينهِر فقيره
وكِنّه تمادى خافقٍ بِك صويب
في موعدٍ ضايع وضيّع مصيره !
والنهاية ترى عودي رطيب
وغصن الهوى لو تمايل عبيره
ياعسى ربّان هاللّقيا يِجيب
مرسَى بلا احلامْ موعد بلا ديره !


.
.

J e f a f ~