[توت احمر]

بدآيآتي نهآية زفرتي ‘‘ وآخر بقآيآ حيل
...............{ على جآل الفؤاد ‘‘ وعبرة المضيوم سكرآته

ابغرسني بصدر الهم وبسكن في دجى هالليل
...............{ ابسرق هالخيال اللي تمآدى بي مجآلآته

تلاعب فيني أحلامي م بين الصح والتعليل
...............{ حقيقة فكري تغدي بي وترجع بي متاهاته

بعد ضيعه تلملمني ‘ سنيني مآبهآ تحصيل
...............{ وترسى بي على جرفٍ تهاوت بي مساحاته

مقاديري تساقط بي على مجرى الأماني سيل
...............{ وترمي بي كفوف العمر إلى مجهول زلاته

أبجمع كل خيباتي وحط الكيل فوق الكيل
...............{ يمر الوقت ما يدرك معي تآلي مسآفآته

أسير وفرحتيّ عرجآ ,ويجرح معصمي التكبيل
...............{ يتعبنيّ كثير الصمتْ ‘ ويخنق صوت حسرآته

الا يا حزني الظآفي على كتفيّ ثقيل الشيل
...............{ ثنى ظهر الأمل وأروى من الخدين عبرآته

أنا لو جيت أبسولف عن همومي يطول الليل
...............{ ويغرس في وسط عيني سهوم الحظ خيباته

أنا ماعاد لي حيلة ولا أبي أرهق التأويل
................{ عيون الحلم أغمضها ويشبعنيّ من سكآته

نهايتها على رشفة نفس والحيل ‘‘ زآد الميل
...............{ على صهوة خيال الملهمة كثر استحالاته..~