[توت احمر]

بحر الاماني لو يِضايِقْك مُرّه
لابدْ يجْزِر في شُواطي نَحيبَك
وهذِيِ الدنيا لآ جِفتْ فيك مَرّه
تِلقى بَعَدْها مايُواسي مشِيبَك
لوْ عِشْت يومٍ مالقيتَه مَسرَّه
لابدْ بَعد العُسرْ يُسرٍ يصيبَك
وإنْ اقترب حِلْمك وشارَف ممَرّه
جابَه بِدِينه ، وقرّبه لِكْ صحيبَك
لآنِي بِمِن يِجرح على حين غَرّه
ولآنِي بِمِن يرضى الآماني تِسيبَك
اصبر على الصّبرِ ولو زاد حَرَّه
والله على جُور الليالي يِثيبَك
وهَذا الزمانِ إنْ قالِ رآيه تِشَرّه
دَع مايِريبك / إلى مَا لآ يِريبَك
واتْرك عنا وقتك بِخيرَه وشَرّه
لوْ تِعيب اوقات عُمرِك / تِعيبَك
محدٍ فَ هالدنّيا يقاسِمْك بِرَّه
ومحدٍ تِباكى مِن سُوالِف نِحيبَك
ومحدٍ مِن الافراح يهْديك عُمره
ومحدٍ مِن الاحزانِ ياخذ نصيبَك

.
.
J e f a f ~