مالكـه .. قلبي .. وعقلي .. واحــترامي وســاكنـــه بالي .. ودايـم تـشـغلـيـنـه ياصغـيره .. حبــّــك اكـــبر من كلامي تفهــمــين الحـب .. ولاّ .. تجــهليــنـه قلت احبــّــك .. قلتــها من قلب ظــامي والغــلا لك .. في خـفــوقي تعْــرفيـنـه أغلى من يومي .. ومن شهري وعامي واحلى من أحـلامي وآمــالي الرزينـه لا تطـاروا باسْـمك .. تـضيع الاسامي وان حكوا في الحسْن ما غيرك حسينه تجـمعـــين الزيـن كلّـه .. ياغــرامــي وش مشتّـتني ؟! ســوى اللي تجمعينه الأدب كـامــل .. وعـقــلك بالتــمــامي لا حكـيـتي .. تـطلـع الكلــمــه ثـميـنــه والحكي نجـدي .. وطبـعـك طبع شامي بنت بدو ٍ .. ما تـغــيّرهــا مــديـنــــــــه إيــه أحبّـك كلـمــة ٍ .. ماهي كــلامي كلـمــة اللي .. ســـرّنا .. بيـني وبيـنـه حبي لك ماهـو مثل .. مشهـد درامي ينتـهي .. لا حـرّك المخـرج يـدينــــه حبـّك انتي .. حب راقي .. حب سامي يشبه الاعــــــلام في عالي السفينه والشعــور اللي مثل .. حـدّ الحسـامي مـقْـدر آقـــوله .. مثـل مانتي تبـيـنـه سهْل مثل الحلْف .. في عـين الحـرامي وصْعب مثل الهرج في عرض السجينه يابعــد عـمْـر القصــايـد .. روحي نامي عـارفــــه حـبـّـك .. وحنّــا عـارفـيـنــه الخيـــام اللي بقلبـــك .. هي خيـــامي والـعــرب في عـيـني انتي .. يافطينــه ياصغـيره .. حبــّــك اكـــبر من كـلامي والغــلا لك .. في خـفــوقي تعْــرفيـنـه