قالت الفنانة سلوى محمد علي إن الفنانة شيرين عبد الوهاب واجهت العالم بلحظات ضعفها، وهذه قوة شديدة. وخلال استضافتها في برنامج "كلمة أخيرة" الذي تقدمه الإعلامية لميس الحديدي عبر قناة ON، علقت سلوى محمد علي على إطلالة شيرين الأخيرة قائلة: "أنا بشوف اللي هي عملته قوة، مواجهة العالم بلحظات ضعفك دي قوة شديدة." وأضافت: "آخر لوك هي عملته شايفاه قوة شديدة، أنا دلوقتي ضعفانة، ومش عيب أبقى النهاردة ضعيفة، دي قوة. رسالتي ليها إني بحبها، وشايفاها حساسة وموهوبة وحقيقية، وشايفاها قوية." كما علقت سلوى محمد علي على قيام بعض الأزواج بنشر الرسائل الصوتية الخاصة بعد الطلاق قائلة: "أنا بشوف إن العلاقة الزوجية علاقة مقدسة، مينفعش أسرب أسرارها أثناء أو بعد الزواج." وردا على سؤال "هل تغير رباط الزواج المقدس؟" أجابت: "السوشيال ميديا عملت أخلاق جديدة، إنت بيتهيألك إنك لوحدك في الأوضة، وحاسة بخصوصية مع تليفونك أو التابلت بتاعك، وتعتقدي إنك لوحدك وإنت بتطلي على ملايين. السوشيال ميديا ورطتنا في تصرفات جديدة." لا يفوتك: حلقة جديدة من برنامج «تحليل النعمات مع عمك البات» بيشرحلنا فيها أحمد نادر «المقامات الموسيقية»
[/QUOTE]