هذا رفع سيفـه وقـال : "الله وأكبـر يا كَفَـر" هذا رفع سيفـه وقـال : "الله وأكبـر يا كَفَـر" هذا رفع سيفـه وقـال : "الله وأكبـر يا كَفَـر" ********* وذا رفـع سيفـه وقال : "الله أكبـر ما اكفـره" بين الجماعة والسلف والرافضة الإثناعشـر ********* والأشعري والصُّوفي والزيدي تدور الدائـره والشـافعي والمـالكي والحنبلي واهـل القـدر ********* والموسـوي والكاضمي والجعفـري والباقـره أمسـت بـلاد الـمسـلميـن اليوم ما فيهـا نفــر ********* إلا وهـو يشتـم صحـابـي, أو يحـلّ المُنْـكـرَه أهل الجماعة كفّرت كل من يخالفهـا الخبـر ********واهل الشَّياعة يسلخوا عرض النبي بالمسخره سيدي وسيد اهلي عمر واللي تلفظ في عمـر ********* "صاحـب خطيئـة" دنبهـا لا يستحق المغفـره سبُّوا عمر! إخّييييه عا ألفاظها هذي الغجـر! ********* سبُّـوا ونا سبّـَيـتهـم , والـسّــب ربي يـغـفـره بس اقتـل اللي (ربّـمـا) لو تاب دنبـة يُغتفـر! ********* ضيّعتهـا الدنيـا , وديـني بعـد دنيـاي اخسـره من نافعي لو كنت أنا قاتـل أخي يوم انقبـر؟ ********* من شافعـي : والله يسألنـا علـى ذي المـقـبـره والله وخلّوا المؤمـن المقـتـول تأشيـرة سـفـر ********* في رحلة الجنّـة , ومن دمّـه شـراء التـذكـره والله وحاكوا مِئزر الماسون من صوف العِبَـر ********* والله وحـلّـوا كل ما ذي هـو مـحــرّم نـعـبـره والله وصاروا يطلبوا الجنّة بما يرضي سقـر ********* يتـقــرّبـوا ربـي بعصيــانـه عـلى ما حـذّره ! وين الهلال اللي سطع؟ماعاد شفنا له شـرر ******** وين السيـوف الكاسـرة؟ دار الزمن واتكـسّـره وين التّراحم والسّماحـة دي تفسّرها السُّـوَر؟ ********* آيـاتهـا وضـاعــت ! وتفسيـراتهـا متـشفِّـره ! سابوا اللُّبب من أجل نتقاضى بتكنيس القشـر ********* يرضوا الكبيرة وما يجيزوا للصغيرة معذره صارت بلاد المصطفى بين الجهالة والقفـر ********* والجـور والتّقديـس للوالي المفـدّى وعسـكـره مادام من يفتي لنا سـاوى "الزّعامة" بالقـدر ********* لا عـاد دنيـتـنـا ولا هو الـديـن مـنّـه نـظـفـره من داعية صوّر ولي أمره المسيح المنتظـر ********* للـداعـيـة ذي شـبّــه الـدســتـور آيـة مُـنـذره! وين الهلال اللي سطع؟ماعاد شفنا له شـرر ******** وين السيـوف الكاسـرة؟ دار الزمن واتكـسّـره وين التّراحم والسّماحـة دي تفسّرها السُّـوَر؟ ********* آيـاتهـا وضـاعــت ! وتفسيـراتهـا متـشفِّـره ! سابوا اللُّبب من أجل نتقاضى بتكنيس القشـر ********* يرضوا الكبيرة وما يجيزوا للصغيرة معذره صارت بلاد المصطفى بين الجهالة والقفـر ********* والجـور والتّقديـس للوالي المفـدّى وعسـكـره مادام من يفتي لنا سـاوى "الزّعامة" بالقـدر ********* لا عـاد دنيـتـنـا ولا هو الـديـن مـنّـه نـظـفـره من داعية صوّر ولي أمره المسيح المنتظـر ********* للـداعـيـة ذي شـبّــه الـدســتـور آيـة مُـنـذره! من ألف عام احناكما الأخشاب من جاهانَشَر ********* من ألف عام اوطـاننـا أشبـه بـورشـة منجـره من ألف عام اعمارنا رهن الفتـاوي والغفـر ********* نـقـتـل باسـم الله ونـتـقـاتـل وكلـــ(ـن) كــبّـره غـزْواتنـا منّـا علينـا .. وجيـشنـا فينـا ظـفـر ********* ما يـنـتـهـي من مـجـزرة إلا ويـبــذأ مـجـزره مرالزّمن واحنابظهر النّوق في عصرالهمـر ********* من ألف عـام العلـم يبْـكينـا وتـرثـي المحبـره ياناس خـافـوا الله فلّـسـتــوا بـنـا حـد الطّـفَـر ********* ما عد لنا في الأرض كلمـة تستحق التّسْعِـره يضحك علينا الروم وتسخرمن جهالتنا التّتر ********* تأسـف لنـا الـدنـيـا وتـتـأسّـف عليـنـا الآخـره لو يفرشـوا مضمـار يتسابق بساحاته البشـر ********* الـكــل يسبـقـنـا عـدا في جـهـلـنـا والـثـرثـره لو يركـزوا منظـار وطالوا في ثقافتنا النّظـر ********* ظل الفراغ اللي بنا اتحـدى العلوم ان تنظـره من ألف عام.. اعلام باركنا وإعلان افتخـر ********* من ألف عام.. أخبار ترسم دائرة بالمسطـره انجازنا(حسب الصحافة)مثل نقشة ف الحجر ********* إنجـاز يتحـدى الزمن والوقـت يمسـح مأثـره وأمجادنا(حسب الإذاعة) قـد بـلـغـنـا للـقـمـر ********* هاها اسمعـوا مذياعنا..واستمتعـوا بالكركـره
[/QUOTE]