لحظة لقاك وشوفك تطيب الأوجاع

[align=center][tabletext="width:80%;background-image:url('http://up.dll33.com/uploads/1422473985224.jpg');background-color:black;border:3px groove orange;"][cell="filter:;"][align=center]


[align=center][tabletext="width:70%;background-image:url('http://up.dll33.com/uploads/1457203129661.gif');background-color:black;border:3px groove orange;"][cell="filter:;"][align=center]

ياللي غرامك داخلي هز الاظلاع
كل ما تهز ضلوعي اكتب قصيده
أنا اكتفي بك انت وان قيل طماع
ابيك زود بكل لحظه جديده
لحظة لقاك وشوفك تطيب الأوجاع
والكل منا بالغلا يلوي إيده
وابي اكتبك قصة لعمري وتنذاع
لو تنحكى للمستمع قال عيده
قصة غرام لها محبين واتباع
ويخلد التاريخ قصة فريده
ما أبيك حي الله ولا ابيك تنصاع
ابيك سهل ويصعب أفك قيده
وأبي وضوحك غامض ويكسر ذراع
وأبي طريقك ملتوي وأنت سيده
خذني على حبلينك أشكال وأنواع
أبي أختنق وان مت نفسي شهيده
أحكم بشرعك وأنت حكمك بالإجماع
كل الرواه بصحته لك وكيده
وش يمنعك مادمت في بحرك شراع
تجري رياحك لاجل قلبي تصيده
ودامك معي لا تنظر لواطي القاع
ارفع حجاجك للسماء البعيده
بين النجوم اذا لمع منك شعاع
تصبح على مبداك حاكم عبيده
تضوي السماء وتصير للشمس مطلاع
وعلى سناك تشع نار ٍ وقيده
ومن قال لك بالغت يازين الأطباع
لا تنخدع ترى الوصايف وكيده
هذي وصوفك في نضر عاشق ٍ باع
كل البشر لانه يعدك رصيده

[/align][/cell][/tabletext][/align]


[/align][/cell][/tabletext][/align]