الشوق مجهدني

[align=center][tabletext="width:90%;background-image:url('http://forum.hwaml.com/imgcache2/hwaml.com_1384411616_736.gif');border:4px groove silver;"][cell="filter:;"][align=center]


[align=center][tabletext="width:80%;background-image:url('http://forum.hwaml.com/imgcache2/hwaml.com_1384411227_251.gif');border:4px groove silver;"][cell="filter:;"][align=center]



[align=center][tabletext="width:70%;background-color:black;border:4px groove silver;"][cell="filter:;"][align=center]

الشوق مجهدني ولابي جَـهَـد شوق
والقلب مسرف به كثير إشتياقه

أسباب من زوّد على الطاق مطبوق
مالي على فرقــاه صبر ٍ و طاقه

غرو ٍ سبق حبه ولاهوب مسبوق
عـنده من فــنون المحبه لباقه

لا ينفهق قربه ولا هوب مفهوق
اللي سرق كل الموده سراقه

ابو العيون الدعج والنعّـس الروق
زودٍ على دعج العيون الرواقه

غض القوام الغض والعنق منـتوق
عوده صخيف و زاد صخفه رشاقه

يمشي غنج لو كان ما يشتكي عوق
فـديت ذاك العـود شر الإعاقه

وإذا هرج كنه على الهرج مسيوق
رغم إن في همسة كلامه طلاقه

لو كان ما يصدق مصدّق و مصدوق
يخلف وعوده رغم طول الصداقه

قولوا له إني حافظ ٍ كل موثوق
من العهود اللي توثــّــق وثاقه

والصد يقطع كل ما كان معلوق
أحـدّ من شفرات موس الحلاقه

ويحط في وسط الحشى جرح وحروق
و يعيق سريان الهوى كسر ساقه

هو ما درى إن الهجر ما ربّحه سوق؟
ما يغــني الجــلّاب عــن كل فــاقه

وهو ما درى إن الحب له حكمه وذوق؟
إن كان ما هانت عليه العـــلاقه

وهو ما درى إني دم واحساس وعروق؟
وإني على شــوفــته كلي شـفـاقه

حفظت أنا سر الهوى وسط صندوق
و ما بحت به بين الربع والرفاقه

كله لأجل من غض موق ٍ على موق
و أسترسل الدمعات لحظة فراقه

[/align][/cell][/tabletext][/align]


[/align][/cell][/tabletext][/align]


[/align][/cell][/tabletext][/align]