صباحك غير

[توت احمر]

.
.


انا طالِبْك .. اذا لِي خاطرُ وتقدير ..
صباحي لآ يجيني دونْ ما اشوفك ..!
عيونك بس ! تخلّي مِن صباحي غير ..
اجل وشلون .. لو تاخِذْني بكفوفك ..!
حبيبي رغْم ، زمان الشوق والتأخير ..
أبَدْ ماخفْت ، وإنْ طالت بك ظروفك ..
مدام اسمك ، على غصن المودة طير ..
نظر هالعين .. يصونه لين ماتشوفك ..
واذا شفْتك ! بقولك : ياصباح الخير ..
على نورك ، يطل الصبْح بُوصوفك ..
هلا به كثر : ماشال الفكر تصوير ..
هلا به فَرْح .. عُمرٍ عاش ملهوفك ..
انا جيتَك .. زمانٍ هاويَ التبذير ..
مشاعر مِنْ .. روايةْ صمتْ ونزوفك ..
احاكي بك .. حروف الودّ والتعبير ..
على انغام .. عهود الوصل وحلوفك ..
تهنّى بي .. مدام إنّ الزمانِ قْصير ..
ولا ودّي .. مرور الوقت في خوفك ..
واقول اليوم .. اذا لِي خاطرُ وتقدير ..
صباحي لآ يجيني دونْ ما اشوفك !
عيونك بس ! وخلّت لي صباحي غير ..
اجل وشلون .. ! لو تاخذني بكفوفك ♡!


.
.
مما راق لي 🌹