((يالله نجدد عهدنا نقول مبروك))

[القارظ العنزي]

ليتك تراعي خاطري ترجع .... ارجوك
يكفي صدودك طال همي وفرقاك
تعال عطني وانعش عروق . حبوك
لولاك ما حنت تبي الحب ...... لولاك
انا وعدتك بالوفاء وتشهد . صكوك
لكنك بعت الحب يا حيف ..... يا ذاك
لا تخدعك ناس تغشك ...... وخانوك
خلوك عايش بالوساويس ... وارباك
ناس هواها كلها اكذاب ..... خلوك
خلوك مركون على جال. ...... مركاك
وانا هوايه صادق ما به ..... شكوك
فقط تعال وجرب ومد ......... يمناك
يالله نجدد عهدنا نقول ...... مبروك
ونبني غلانا ونرفعه صوب . الافلاك
يطرب لنا كل القرايب ....... ومغلوك
واختامها عرس يشيد ....... لشرواك

القارظ العنزي