فضفضة لمن يكتب الشعر او كلام العذب فقط

[صدى الحرمان]

ضميتك .. وخبيتك





وبعيد عن كل الناس

وبكل حب الدنيا غطيتك


وفتحت بواب الشوق وحطيتك

أحبك مش كفاية لو حبي نهر

ساعتها أقول رويتك

كتير عليا حضنك .. كتير عليا دفاه

ولو حنان الدنيا بأيدي منتهاه

لكنت نقطه .. نقطه سقيتك

عايز كون لوحدي

عايز زمان تاني

عايز كل الحروف تقول بحبك

عايز بين ايديك كل الاماني

عايز دنيا تانيه
وعالم أحلامي

أعيش فيه معاكي

أحيا عمر تاني

احساسك جميل .. حبك جميل

كل مافيكي ناداني

وبكل همسه ..وبكل صرخه

وبكل رعشه في وجداني ناديتك

ولو العمر هيكون من غيرك

بالعمر كله ويكون رخيص لو بيه فديتك

ضميتك .. وخبيتك

وفتحت بواب الشوق وحطيتك