أمي البريئة الطيبة الطاهرة .. بقلمي

أمي البريئة الطيبة الطاهرة
بقلمي سبق نشرها
أمي البريئة الطيبة الطاهرة
روحها في السماء طائرة .. وروحي في الأرض
بجوار روحك ياغالية .. أبدا لن تكون ظاهرة
شايلك في قلبي .. فخور بحبك .. أكتب لأجلك
أمي البريئة الطيبة الطاهرة الصابرة
عاشت سنين الجفاف .. بدون شكوي رآقية
باعت جناين عمرها .. من غير فاتورة
بكل الحب راضية قنوعة صابرة
أمي البريئة الطيبة الطاهرة الأبية
يومها كان يبدأ بركعتين ودعوة من قلبه
وينتهي برضو بركعتين وسورة من القرآن
شالت عمرها كله في كفه .. علشان أعيش
رمت شبابها وراها .. علشان أكون سعيد
قفلت علي همومها .. أنينها واوجعها
وقالت .. ياضي العين
فات الكتير .. والباقي قليل .. وبكرة تكبر
وكبرت ياأمي .. وليتني يقيت طفلك الصغير
أمي البريئة الطيبة الطاهرة القوية
أقوي من البكاء الحزين .. أقوي من المرض اللعين
صوتها ناعم جميل .. عمرة ما كان صوت جبان
صوتها ساحر .. صوتها هادي .. يدفي الروح
أمي البريئة الطيبة الطاهرة المضحية
قصت ضفاير شعرها .. علشان أطول أنا
اتحملت مرض قد السنين .. واتعافيت أنا
كانت تشوفني اتألم حزين .. تبوس راسي
وتشدني لحضنها أتحول بلحظة إلي جنين
مطيع .. هادي .. وديع .. سعيد
كما لو كان حضنها الدافي الحنون
جناين ورد
أو روضة من رياض الجنة

رحمك الله ياقطعة من القلب فارقتني
رحمك الله ياأمي