حدث ذات يوم ..

[حُر]

في يوم من الأيام صحيت وراسي صاكني ويرج كانه جرة مليانه ( جلي ) ! :79n9:

قلت يا ولد الحق عمرك ،، هذي الزكمة اللي يقولون !!€80
والله مالها داعي تنشب فيني ذا الزكمة قبالة الخميس والجمعة ! >> سبحان الله ذا الزكام تحس انه يشتغل مع الحكومة ما يجيك في بداية الاسبوع أبد!ff1 (137).gif
قبله يمتحنك تالي نهار الثلاثاء أو صباح الأربعاء عشان تروح عليك الإجازة وانت ما غير تشاخر وتناخر وتسدّح كانّك حرمتن توها والده . . :54281673:
يعني مافيه أمل نستغل الحكومة والنظام وناخذ اجازة مرضية أبد!

قلت خلني اروح للصيديلة وأخذ لي ( شد ) مضاد حيوي !<<<< متعود على الحبوب ff1 (176).gif
يقولون ان المضاد الحيوي زين خاصة اذا زرطته على فكة الريق كود ذا الزكام ينحشر في قرنة الين يجي يوم السبت وذيك الحزّه يحلها ألف حلاّل !

وقبل ما أزين شي .. قابلتني أمي في الصالة واقترحت علي اقتراح حلو .. ووجيه !!
قالت وراء ما تروح معي وانا امك لجارتنا ( أم ناصر ) وتخليها تكشف عليك يمكن تلقى لك حل أنت وذا الخشم اللي قبله يقوطر كانّه قاعة مكيف صحراوي ! >>>> ياخي بعض الأمهات ما يراعون مشاعر صبيانهم يبونا نغلط عليهم ونعقهم !( بغى يشب في أمه ذب .. عشان ما تعوّدها بس تذكر ان الجنة تحت رجلينها !وقال ماله داعي أخسر ) >> طرّاه بتخسر اززززززا ما .. :79n9:


خشت الفكرة في دماغي !
وطاوعتها ورحت معها لأم ناصر >>> بيني وبينكم لو ما يجي من أم ناصر .. إلا انها ما تاخذ حق فتح الملف !

يوم دخلنا دارها .... ولا روايح ذا العطورات والبخور كانّك راقدن وسط شنطة بنكلادش ومتلحف بشيلة عجوز ! >>> سبحان الله ريحة العجز كلهن مثل بعض ( وش زينها ) !
الظاهر لو تشرب وحدتن من ذا العجز بيديها ورجليها من شراب الشيوخ ذاك اللي يجيب الطراش ! ما أحد درى عنها ولا أروحه فيها !

قلطتنا أم ناصر وهي مستحية ومسويه نفسها متغطية والغطوة يم جهة أمي ؟! >> مسيكينة ذا العجوز ما لها إلا التعب من ذا الغطوة
( الغريب وشلون ما تموت يدها من كثر ما هي رافعتها وماسكتن ذا الشيلة الشخّال ؟! ) >>>>> ترى كل ذا الغطوة عشان ما تبي تصير من القواعد من النساء ( وهي عاضتّن في السن ) !!

بس تبون الجد .. ما يهم الحكي .. أم ناصر .. صارت دكتوره من جد .. من يوم شافتني وهي عارفتن صخونتي ! قالت بكل ثقة : افاااااااا وراك مسوي بنفسك كذا يا وليدي ؟
وش اللي مخليك تلعب في سرك وانت مقابل(ن) المكيف ؟!

ما تدري وانا خالتك ان البراد يدخل مع السر ويرقى مع المصير الين يوصل علو الراس( كانّك مشغّل دينمو الماء والعوّامه حقت الخزان العلوي خربانه .. يعني يمتلى الخزان وتبدأ الدنيا تخرخر وأنت ما تدري ) ! >>> يعجبني الدكتور اللي يشرح للمريض حالته بما يتوافق مع مستواه الفكري والتعليمي !

وبعد ذا الكشف السريع أرسلتني لصيدليتها الخاصة في بيت الدرج ! وقالت : هناك بتلقى بقشه حمراء لا تقربها تراه علاجات حريم أفتح اللي جنبها البقشة الخضراء وبتلقى باغة صغيرة فيها خلطة توني مزينتها ،، الهمها وانسدح على ظهرك وناظر في المروحه الين تغفل ! وعقب ساعتين ان شاء الله بتطيب !

طمرت ونصيت بيت الدرج .. وفتحت البقشة ولهمت الباغة باللي فيها وأنسدحت وقعدت أناظر في المروحة واثرها طافية ..
وما قويت أرقد من الحر!

جت أم ناصر وشغّلت المروحة على رقم خمسة وراحت تسولف مع أمي ! أنا بيني وبينكم مستعجل على العافية قمت وحطيت المروحة على رقم واحد !

يوم خذت يجي دقيقتين يوم دار راسي جيت بقوم ما قويت .. كن مطقوقن في ظهري خابور ! >>>> والله اني بغيت أحذف ذا السطر لا يجي أحد ويقعد يتعيّر علي ويقول : مطقوووووووووق في ظهرك خاااابور هااااه !!
بس قلت ما ظنتي كل الناس تفكيرهم سطحي وسااااافل زي كذا !

المهم اني توهقت ولا عاد قويت اقوم .. وقمت أسمع أصوات وقرقعه !

شوي يوم سمعت صوت قوي كانّه انفجار أو عمل ارهابي ! >>> الله يخلف علينا ما عاد نعرف نشبّه الأصوات إلا بذا المصايب اللهم يا كافي !
( كله من ذا المبزرة اللي يصدقون كلش جعلهم ما يربحون كانهم أشغولنا .. الله يشغلهم في أنفسهم .. بلا ) !
يوم وعيت ولاني في غرفة ضيقه .. وما حولي إلا رجاجيل مفاصيخ وشنبات يروعون ! فوق بعضهم بعض !!
بغيت أنهبل من الروعة ! بس قلت مالها داعي انهبل وانا توني ما بعد خلصّت الموضوع !
وقمت أفرك في عيوني ابي اتأكد من ذا اللي أشوفه هو صدق وإلا كذب ؟!! >>> من كثر ما فركت عيوني صارت الصورة في مخي حمراء ( شكل الأحبار في الطابعة عندي اختلطت وانحاقت حوق ما قد انحاقت من قبل ) >>>> شكلي حقت السالفة بكثر الحواق خخخخ !

ألتفت على أقرب واحدن جنبي وسألته بلكنة قروية : وش تزينون هنيا ؟ وراكم متراصين كذا ؟ كانّكم قطم رز فوق بعضكم بعض ؟!!

ناظرني بنظرة ( إزدراء .. وجحدني ) ! >>> شكلي بقلب على العربي الفصيح عشان ينتشر الموضوع على مستوى الوطن العربي !

يوم شفته ( إزدراني ) وأقوم و ( أزدريه ) الين داخ وشوّل بكراعة كانّه جيفة عنز ميته من اربعة أيام في ذا القيض اللي يروّع !! >>>> ترى ذا القروي يحسب الإزدراء مرادف للنظل ! عشان كذا جاب فيه العيد !!

شفتهم ما عندهم نية يتحركون ومجلدين ! قمت ورقيت فوقهم وانسدحت ! >> هو صح انّك تتعب وانت ترقى وكل دقيقة تزلق يدك وانت تسلّق ذا الهرم البشري ! وتطق خشتك في ابط واحدن منهم وتطعّم طعم ملح فيه ( خنّة صنان وطعومة حموضه ) >> الظاهر ان ذا الطعومه جايتهم من رعي الحمض ( بفتح الحاء والميم والكاف ) >> يا كافي وين جتنا ذا الكاف منه ؟ ( والله من ذا الخنّه اللي جايزتن لك انت ووجهك ) !!

وبينما أثناء ما كنت !! >>>> هذي ضريبة الاهتام بالوطن العربي ! خلّك عامي أصرف لك !!

طيب !! هماني رقيت وانسدحت !! قمت وخذت راحتي ! الين ما انهّج الباب ودخلت علينا ذيك الخواجة وهي ( تثاغي ) كانّها شاة(ن) تدوّر ولدها ! أو بقرة مجسّر تطلب الثور >>> نياهاههههههاا !


قربت حولنا وقعدت تقلّب فينا تسنّها تدور طاقية بين كومة هدوم ! >>> عشان تدرون اننا مستسلمين ومخلينها تاخذ راحتها ( تزمين انها تمسك شي وإلاش ) !!

يوم قلبّت وخذت راحتها في التقليب ! وتبدأ ( تسطّع في ظهري بيدها ) كانّها بتشتري بطيخ !!

ثم نزّلت يدها تحت شوي وقامت ترقل كرشتي الصغيّرة !! >>> ترى كل رجال عنده كرشة كبيرة وكرشة صغيرة ( وحده حافظة طعام والثانية ثلاّجة للبيض ) !!


ذيك الحزّه والله لو تبوني أقول اسمي ما قويت !! صرت أحس ان مخي يرقل ويرسل اشارات كهربائية مع أقرب مراسل !!
أهم شي يخفف من ضغط الكهرب ( اللهم يا كافي تسّني مكيف مشغّل في ساعة الذروة .. بغيت أخرّب مكاين الكهرب من زود الصرف والاستهلاك ) !!

وعقب ما رقلت كريشتي الين خرخرت زيوتها .. سحبتني وحطتني تحتها وقدعت على ظهري ! >> بنت الكلب تحسب اني معطيها وجه عشان تاخذ علي دورة خيول !

قمت و ( عنفصت ) الين طاحت على قفاها وظهر قشها ( تسنّه اثم داب ) أحمرررررررر !!

ويفزع معها واحدن معه كاميرا ( باغي يصورها يوم تركب على ظهري ) !!
ويمزع وجهي بذاك البوز الين شفت مروحة ( أم ناصر ) وهي تدور شوي شوي .. وتاااااقف !!
^
^
اثر ام ناصر سمعت وشيش المروحة وجت تركض وطفتها !!! <<<< تخاف انها تصرف كهرب أكثر .. وإلا أنا ووجهي ما هميتها

وانا بعد طفيت ما عاد اقوى أكتب زود !! ( والله لو تبون حرف واحد ) ييزي ان اصبعي جاه شد عضل من كثر المطامر بين الحروف ( المشكلة المدرب معتمد عليه ولا له احتياط )


ما يستفاد من الموضوع :


الزكام مرض خطير اذا اجتمعت المروحه مع الزكمة ابشر بقلبة الراس !!


بقلمي حُر